حوزہ نیوز ایجنسی کے مطابق، مظلوم فلسطینیوں پر حالیہ دنوں میں غاصب صہیونی حکومت کی جانب سے ڈھائے جانے والے مظالم کے دوران دسیوں افراد کی مظلومانہ شہادت اور سینکڑوں افراد کے زخمی ہونے کے خلاف ایران کے شہر بوشہر میں احتجاجی ریلی نکالی گئی۔
یہ احتجاجی ریلی نماز جمعہ کی ادائیگی کے بعد مصلای امام خمینی (رہ) سے شروع ہوئی اور میدانِ قدس میں اختتام پزیر ہوئی۔ ریلی میں "مردہ باد امریکہ" اور "مردہ باد اسرائیل" کے نعروں کی گونج میں غاصب صہیونی حکومت کے مظالم کی پرزور مذمت کی گئی۔
قابل ذکر ہے کہ اس ریلی میں نوجوانوں اور جوانوں نے بھرپور انداز میں شرکت کی۔ ان جوانوں نے فلسطین کے پرچم اٹھا کر مظلوم فلسطینیوں سے اپنی حمایت اور ہمدردی کا اظہار کیا۔
